Aqshasyn bankte saqtaıtyn qazaqstandyqtar azaıdy

ASTANA. QazAqparat - Qazaqstanda ekinshi deńgeıli bankter 2017 jylǵy qańtar-shilde aılarynda jeke tulǵalar salymdarynyń jalpy kólemi 2,6 trln teńgeni qurady, bul 2016 jyldyń osy kezeńindegi kórsetkishtermen salystyrǵanda, 1,5 trln teńgege nemese 36,5 %-ǵa az, dep habarlaıdy «QazAqparat» HAA ranking.kz-ke silteme jasap.

Usynylǵan aqparattarǵa sáıkes, bıylǵy jyldyń shilde aıynda Qazaqstan bankteri tarapynan jeke tulǵalardyń merzimdi jáne shartty salymdary 782,6 mlrd teńgeni tartqan. Bul ótken jyldyń shilde aıymen salystyrǵanda, 14,8%-ǵa kem.

Bul rette jalpy kólemniń 501,5 mlrd teńgesi ulttyq valıýta salymdaryna jatady, ıaǵnı ótken jyldyń shilde aıyndaǵy kórsetkishpen salystyrǵanda bıylǵy ósim 96,4 mlrd teńgeni nemese 23,8%-dy qurady.