Aqshasy kóńilinen shyqsa, «Kanelo» Golovkınmen úshinshi ret aıqasýy yqtımal

NUR-SULTAN. QazAqparat - Boxingnews24.com portalynyń jýrnalısi Den Embroýzdyń pikirinshe, meksıkalyq boksshy Saýl Alvares qazaqstandyq Gennadıı Golovkınmen úshinshi jekpe-jek úshin DAZN platformasynan kóbirek aqsha dámetip otyr, dep habarlaıdy Sports.kz.

«Ókinishke oraı, «Kanelo» Golovkınmen úshinshi ret kezdesýdi túpkilikti sheshken joq. Biraq buǵan deıin meksıkalyq oǵan qarjylaı jaǵynan mámile jasaý jaıly usynys tússe, onda ony qarastyratyndyǵyn birneshe ret málimdegen edi.

Munyń astarynda ne jatqany beımálim. Ol DAZN-men 365 mıllıon dollarǵa mámile jasaǵan bolatyn. Alvares múmkin platforma oǵan Golovkınmen úshinshi jekpe-jekke taǵy da qosymsha qarjy beredi degen oıda ma?

Bálkim, DAZN ózderiniń meksıkalyqqa tólegen aqshasy Gennadıımen úshinshi aıqasqa jetip artylady dep shamalaǵan shyǵar», -dep esepteıdi Embroýz.