Aqshanyń jetispeýshiligi adamdardyń durys tamaqtanýyna kedergi keltiredi - zertteý
ASTANA. QazAqparat - Kópshilik adamdardyń durys tamaqtanbaýyna olardy qyzyqtyratyn zııandy azyq-túlikterdiń kóp bolýy sebep dep oılaıdy. Biraq, ǵalymdardyń zertteýinshe, bul barlyq jaǵdaıda olaı emes, keıde oǵan aqsha jetispeýshiligi de sebep bolyp jatady eken.
Sońǵy zertteýler kórsetkendeı, adam tamaqqa neǵurlym kóp aqsha jumsasa, tamaqtanýynyń sapasy soǵurlym jaqsy bolady. Adamdar kókónister men jemisterdi kóbirek satyp alsa, bul olardyń salmaǵynyń azaıýyna septigin tıgizip, sondaı-aq sýsaq jáne júrek-qantamyr aýrýlaryna shaldyǵý qaýpin tómendetedi.
«Biz tamaqtanýǵa jumsalatyn shyǵyndar ortasha alǵanda 1,4 eýroǵa ósken jaǵdaıda, adamdar burynǵydan kúnine 74 gramm kókónis jáne 52 gramm jemisti kóbirek jeýge múmkindik alǵanyn kórdik», - deıdi Barselonadaǵy Medıtsınalyq zertteýler ınstıtýtynyń mamany Gelmýt Shreder (Helmut Schroder).
Al eger adamdar ortasha eseppen alǵanda 6 tsentke az shyǵyndalsa, bul ádette kókónisterdi shamamen 120 gramǵa, jemisterdiń - 94 gramǵa az jeýine ákep soǵady. Bul rette eriktiler fast-fýd pen nan-toqash ónimderin jıi jeı bastaǵan.
Osyndaı qorytyndyny zertteýshiler 25-74 jas aralyǵyndaǵy 2 181 eriktiden turatyn topqa baqylaý jasaý negizinde shyǵarǵan.
