Aqshań bolsa qaltańda, taltańdasań - taltańda!
ASTANA. 17 naýryz. QazAqparat - Evraz Group holdıngi Dırektorlar keńesiniń tóraǵasy ári qojaıyndarynyń biri Aleksandr Abramov Jańa Zelandııada eń qymbat úı salýdy josparlap otyr. The New Zealand Herald gazetiniń jazýynsha, qazirgi ýaqytta bul ataqty quny 35 mıllıon dollardy quraıtyn Chrisco záýlim saraıy ıelik etedi.
Basylymnyń málimetterine sáıkes, bıznesmen Helena Beı aýdanyndaǵy jer telimin 15,9 mıllıon dollarǵa satyp alǵan. Boı kóteretin záýlim saraıdyń jalpy aýmaǵy 3600 sharshy metrdi quraıtyn bolady. Sondaı-aq ýchaskede shyǵanaq jaǵalaýyna deıin sozylǵan serýen baǵy jáne ıahtaǵa arnalǵan aılaq salynady. Jalpy joba quny 40 mıllıon dollar bolýy múmkin.
Qurylys jumystarymen aınalysyp jatqan Northland Coastal Developments kompanııasynyń aqparatyna qaraǵanda, ǵımarattyń irgetasy quıylyp, shyǵanaq jaǵalaýy bekitilgen. Qazirgi ýaqytta úıdiń qabyrǵasy turǵyzylýda.
Baılyǵy 5,4 mlrd. dollarǵa baǵalanǵan bıznesmen Reseıde Forbes jýrnalynyń tiziminde 21-shi, álemdik tizimde 189-shy orynda tur.
