Aqshaǵa memlekettik organǵa jumysqa ornalastyrmaq bolǵan alaıaqtyń qylmysy áshkere boldy
ASTANA. QazAqparat - QR Іshki ister mınıstrligi ózin joǵary laýazymdy tulǵa retinde tanystyryp, memlekettik qyzmet pen basqa da organdarǵa aqshalaı syıaqyǵa jumysqa ornalastyrýǵa ýáde bergen Baqytjan Musaevtyń qylmystyq áreketiniń jolyn kesti. Bul týraly atalǵan vedomstvonyń Memlekettik til jáne aqparat departamentiniń dırektory Almas Sadýbaev óziniń Feısbýktegi paraqshasynda jazdy, dep habarlaıdy QazAqparat.
«Kúdikti B.Musaevqa qatysty jaýapty memlekettik laýazymdy tulǵa nemese bılik ókili ataǵyn ózine tańý, sonyń negizinde ózge de qylmystar jasaý faktisi boıynsha sotqa deıingi tergeý júrgizilýde. Qazirgi ýaqytta kúdiktiniń basqa da qylmystarǵa qatysynyń bar-joǵyn tekserý júrgizilip jatyr. Dál osyndaı stsenarıı boıynsha alaıaqtyq áreketten zardap shekken ne bolmasa basqa da mańyzdy aqparattardy biletin azamattardan ishki ister organdaryna júginýdi ótinemiz», - dep jazdy Almas Sadýbaev.
