Aqsha jıyntyǵy jyl basynan beri 19,825 trln teńgege tómendedi
ASTANA. QazAqparat - Qazaqstanda 2017 jyldyń qazan aıynda aqsha jıyntyǵy nemese ekonomıkadaǵy barlyq qarjy 3,3%-ǵa, jyl basynan beri - 0,4%-ǵa 19,825 trln teńgege deıin tómendegen, dep habarlaıdy «QazAqparat» HAA tilshisi.
QR Ulttyq bankiniń málimetinshe, qazan aıyndaǵy qolda bar aqsha kólemi 2,1%-ǵa (qańtar-qazan aılarynda 1,7%-ǵa artqan) 1,778 trln teńgege kemigen. Qolma-qol aqsha men ótimdi teńge depozıtterin qosqanda M1 aqsha agregaty 8,9% (+8,4%) 4,991 trln teńgege deıin kemigen. Qolma-qol aqsha, barlyq teńgeleı jáne ótimdi valıýta depozıtterin qosatyn M2 ındıkator 3,2% (+8,3%) 13,632 trln teńgege azaıǵan.
QR Ulttyq bankiniń aqsha bazasy qazan aıynda 6,2%-ǵa (+10,6%) 5,3 trln teńgege deıin kemidi. QR Ulttyq banki esebindegi ekinshi deńgeıli bankter men uıymdar depozıtiniń kólemi 8,7%-ǵa (+15,8%) 3,604 trln teńgege tómendegen.
