Aqsha jınady dep aıyptalǵan bas bapker Elena Krýglyhınaǵa qatysty tekseris júrip jatyr

ŞÝChINSK. QazAqparat – Elimizdiń frıstaıl-mogýldan ulttyq quramasynyń bas jattyqtyrýshysy Elena Krýglyhınaǵa qatysty qyzmettik tekseris júrip jatyr. Bul týraly QR Mádenıet jáne sport mınıstri Dáýren Abaev málim etti, dep habarlaıdy QazAqparat tilshisi.

«Qazir frıstaıl-mogýldan ulttyq quramanyń bas jattyqtyrýshysy Elena Krýglyhınaǵa qatysty qyzmettik tekseris júrip jatyr. Sonyń qorytyndysyna qaraı sheshim qabyldanady. Qosymsha habarlaımyz», - dep qysqa qaıyrdy Dáýren Abaev Şýchınskide ótken XXIV qysqy olımpıada oıyndarynyń qorytyndysyna arnalǵan keńeıtilgen otyrysta.

Sondaı-aq, ol mınıstrliktiń kásibı sportshylarǵa qatysty ustanymyn aıtty.

«Sportshyny salaǵa qaıtyp alyp kelý máselesimen mınıstrlik aınalyspaýy tıis. Sheshimdi sportshynyń ózi nemese jattyqtyrýshysy qabyldaıdy. Bul jerde mınıstrdiń sheshimi emes, sportshynyń nátıjesi men kórsetkishi mańyzdy», - deıdi ol.

Eske sala ketsek, ótken jyly frıstaıl-mogýldan ulttyq quramanyń bas jattyqtyrýshysy Elena Krýglyhına men sportshy Aleksandr Geberttiń arasynda daý týyndady.

Aıtýynsha, bas jattyqtyrýshy sportshyǵa til tıgizip jáne zańsyz aqsha jınaǵan.

Elena Krýglyhına óz kezeginde aıypty joqqa shyǵardy.