Aqsha jetpese, basyp shyǵaryńyzdar: Ulttyq bank depýtattar usynysyna jaýap berdi

ASTANA. KAZINFORM — Ultty bank tóraǵasy Tımýr Súleımenov Májilis depýtattarynyń saýalyna joldaǵan jaýapta aýyl sharýashylyǵyn qoldaý úshin qamsyzdandyrylmaǵan aqsha basyp shyǵarý nege múmkin emes ekenin túsindirdi.

— Ortalyq banktiń «aqsha basyp shyǵarýdyń» maqsattary men kólemderine qaramastan ekonomıkany yntalandyrýy — tikeleı teris saldary bar ekonomıkalyq shara. Onyń saldarynan ınflıatsııalyq protsester óristeıdi. Bul baǵa turaqtylyǵyn saqtaýǵa qaıshy keledi. Kóptegen eldiń ekonometrıkalyq modelderi men praktıkalyq tájirıbesi qamsyzdandyrylmaǵan emıssııanyń ekonomıkalyq ósýge teris áser etetindigin aıqyn kórsetedi. ıAǵnı, «aqshany basyp shyǵarý» Úkimet pen Ulttyq Banktiń makroekonomıkalyq jáne áleýmettik turaqtylyq jolyndaǵy barlyq is-áreketteri men qol jetkizgen progresin joıyp jiberýi múmkin, — degen Ulttyq bank basshysy halyqaralyq tájirıbeden Venesýela men Zımbabveniń oqıǵasyn mysalǵa keltirgen. 

Bul elderde bıýdjet tapshylyǵyn jabý úshin ortalyq bankter qosymsha aqsha massasyn basyp shyǵaryp, saldarynan mıllıondaǵan paıyzdyq ınflıatsııalar tirkelgen bolatyn.

— Ekonomıkanyń kez kelgen basqa segmenti sııaqty aýyl sharýashylyǵyn qarjylandyrý úshin usynylyp otyrǵan nysanalyq emıssııa múmkin emes. Aqsha sektor ishinde qalmaı, usynys pen óndiris kólemi arasyndaǵy teńgerimsizdikti týdyryp, ekonomıkanyń barlyq basqa sektorlaryna enedi. Bul óz kezeginde ınflıatsııalyq protsesterdiń ósýine jáne ulttyq valıýtanyń satyp alý qabiletiniń tómendeýine ákeledi. Bul protsester halyqtyń eń osal toptaryna áser etedi, óıtkeni ınflıatsııa barlyǵyna yqpal etip, tabys neǵurlym tómen bolsa, onymen kúresý soǵurlym qıyn bolady. Sondyqtan ınflıatsııa «kedeılerge salynatyn salyq» dep atalady, — dep jazady Tımý Súleımenov.

Ótken aptada Ulttyq Bank Basqarmasy valıýtalyq retteý máselelerine qatysty ózgeristerdi bekitken edi.