Aqsha únemdemek bolǵan týystary qarııanyń máıitin Izraılge qarapaıym júkpen jóneltken
ASTANA. QazAqparat - Tel-Avıv áýejaıynda jolaýshylar júgin qaraý kezinde reseıliktiń máıiti tabyldy. Qaıtys bolǵan qartty týystary Izraılde jerlemek bolǵan.
Marqumnyń múrdesi salynǵan konteınerde onyń jeke kýáligi nemese ózge de qujattar bolmady. Áýejaı qyzmetkerleri onyń kim ekenin anyqtaý úshin biraz ýaqyt jumsady.
Aqyrynda Reseıde qaza tapqan 79 jastaǵy Ester Zızovany týystarynyń Ashdode zıratyna jerleý úshin Izraılge jetkizbek bolǵany anyqtaldy. Al onyń januıasy máıitti tasymaldaý úshin tıisti qujattar kerek ekenin bilmegen. Keıýana 18 qazanda baqılyq bolǵan.
