Aqsha bopsalap, kólik urlaǵan qylmystyq top múshesi Astanada quryqtaldy - QR ІІM
ASTANA. 10 mamyr. QazAqparat - Astana qalasy Іshki ister departamenti Uıymdasqan qylmysqa qarsy kúres basqarmasynyń qyzmetkerleri arnaıy is-shara barysynda
2010 jyldyń maýsymynda avtokólikti urlaý arqyly aýyr qylmys jasaǵan qylmystyq toptyń 26 jastaǵy múshesin quryqtady. Bul týraly búgin QR Іshki ister mınıstrliginde ótken brıfıng barysynda málim boldy.
Mınıstrliktiń baspasóz qyzmetiniń basshysy Nurdildá Orazdyń aıtýynsha, kúdikti eki «serigimen» birigip, tapanshamen qorqytý arqyly 30 jastaǵy kásipkerden 8 myń AQSh dollaryn talap etkeni anyqtaldy. Bunymen qoımaı, keıin olar jábirlenýshiniń «Leksýs» markaly kóligin ıelenip, qashyp ketken.
«Qazirgi ýaqytta urlanǵan avtokólik tabylyp, ıesine qaıtaryldy. Ótken jyly qylmystyń eki qatysýshysy Reseı Federatsııasynyń Omby qalasynda ustalyp, ártúrli merzimge bas bostandyqtan aıyrý jazasyna kesilgen bolatyn. Al úshinshi qatysýshy Ózbekstanda jasyrynyp júrgen edi jáne ótken aptada Astana qalasynda ustaldy», -deıdi Nurdildá Oraz.
