«Aqsha balamen birge júredi»: Balabaqsha aýystyrýdyń jańa tártibi engizilmek
ASTANA. KAZINFORM — Elimizde balany bir balabaqshadan ekinshisine aýystyrýdyń jańa memlekettik qyzmetin engizý máselesi qarastyrylyp jatyr. Bul týraly Quryltaı depýtattarynyń saýalyna Oqý-aǵartý mınıstri Juldyz Súleımenovanyń jaýabynda aıtylǵan.
Mınıstrdiń málimetinshe, Ulttyq bilim berý derekter qorynyń málimetterine sáıkes, respýblıkada 12 myńnan astam mektepke deıingi uıym jumys isteıdi. Onda 2 jastan 6 jasqa deıingi 1,1 mln bala tárbıelenip jatyr. Onyń ishinde 437 myń bala 5 357 memlekettik mektepke deıingi uıymda, 521 myń bala 6 853 jekemenshik mektepke deıingi uıymda tárbıelenip jatyr. Sonymen qatar 167 myń bala mektepaldy daıarlyq synyptarynda bilim alady.
— Mektepke deıingi bilim berý salasynda balalardy kezekke qoıý, qujattardy qabyldaý jáne balalardy mektepke deıingi uıymdarǵa qabyldaý memlekettik qyzmetteri kórsetiledi. Balalardy balabaqshamen qamtýdy arttyrý maqsatynda memleket tarapynan bilim berý tapsyrysy ornalastyrylady. Memlekettik tapsyrys tárbıelenýshilerdiń qaýipsiz ári qolaıly jaǵdaıda bolýyn qamtamasyz etetin jáne belgilengen talaptarǵa sáıkes keletin mektepke deıingi uıymdarda júzege asyrylady, — dedi ol.
Onyń aıtýynsha, Memleket basshysynyń tapsyrmasy negizinde vaýcherlik qarjylandyrýdy eskere otyryp, mektepke deıingi tárbıe men oqytýǵa memlekettik bilim berý tapsyrysyn ornalastyrý jónindegi pılottyq joba iske asyrylyp jatyr. Ol QR Oqý-aǵartý mınıstriniń 2024 jylǵy 30 jeltoqsandaǵy № 372 buıryǵyna sáıkes «aqsha balamen birge júredi» qaǵıdaty negizinde júzege asyrylady. Vaýcher tikeleı balaǵa beriledi. Bul ata-anaǵa menshik nysanyna qaramastan mektepke deıingi uıymdy tańdaýǵa múmkindik beredi. Alaıda balabaqshany tańdaý bos oryn bolǵan jaǵdaıda ǵana júzege asyrylady.
— Pılottyq joba aıasynda balany qalaǵan balabaqshaǵa aýystyrý úshin «kútý paraǵyna» tirkeý múmkindigi qarastyrylǵan. Bul rette ata-ananyń ózi tańdaǵan balabaqshadan oryn alý kezegin kútý quqyǵy saqtalady. Al kezek kútý kezeńinde bala basqa mektepke deıingi uıymda tárbıelenip, bilim ala alady, — dedi mınıstr.
Juldyz Súleımenovanyń aıtýynsha, qazirgi ýaqytta mınıstrlik pılottyq jobanyń nátıjesi boıynsha tárbıelenýshilerdi mektepke deıingi uıymdar arasynda aýystyrýdyń jańa memlekettik qyzmetin engizý máselesin jan-jaqty qarastyryp jatyr. Bul rette balany bir balabaqshadan ekinshisine aýystyrý rásiminiń ashyqtyǵy men rettiligi, sondaı-aq balanyń jeke qajettilikteri men ata-anasynyń qalaýy eskeriletin bolady.
— Sonymen qatar pılottyq joba aıasynda «jalǵan tárbıelenýshilerdiń bolýy», sondaı-aq ártúrli óńirlerde bir kontıngenttiń birneshe ret qaıtalanýy faktileri anyqtalǵan. Táýekelderdi basqarý júıesiniń nátıjeleri negizinde Operator — «Qarjy ortalyǵy» AQ jergilikti atqarýshy organdarmen birlesip, árbir mektepke deıingi uıym tárbıelenýshileriniń kontıngenti týraly málimetterdi ózektendirip, anyqtalǵan sáıkessizdikterdi joıý jumystaryn júrgizip jatyr. Mınıstrlik pılottyq jobanyń qorytyndysy boıynsha vaýcherlik qarjylandyrý tetigine qatysty tıisti sheshimder qabyldaıdy, — dedi ol.
Buǵan deıin Quryltaı depýtaty Lázzat Qojahmetova Oqý-aǵartý mınıstri Juldyz Súleımenovanyń atyna joldaǵan saýalynda mektepke deıingi uıymdarǵa kezekke qoıý júıesin qaıta qaraý máselesin
