Aqsha aıyrbastaý oryndarynda dollar men rýbl quny qandaı

ALMATY. QazAqparat – Astana men Almaty qalalaryndaǵy aqsha aıyrbastaý pýnkterinde dollar 448 - 452 teńgeden saýdalanyp jatyr, dep habarlaıdy QazAqparat tilshisi.

Kurs.kz deregi boıynsha, Astanadaǵy valıýta aıyrbastaý oryndarynda 1 dollar 448– 452 teńgeden satylyp jatyr. Al Almatyda dollar baǵamy 449 – 451,5 teńge aralyǵynda qubylyp tur.

KASE-de 1 shilde kúniniń keshinde ótken saýda qorytyndysyna sáıkes, dollardyń ortasha quny 3 teńgege tómendep, 449,26 teńgeni qurady.

Ulttyq banktiń 3 shildedegi resmı baǵamy – 1 dollarǵa 449,33 teńge. Reseı rýbliniń ortasha saralanǵan baǵamy 5,17 teńge boldy.

Almatydaǵy aqsha aıyrbastaý oryndarynda Reseı rýbli 4,99 – 5,25 teńge, Astanada 4,90 - 5,10 teńge aralyǵynda usynylýda.