Aqsha aıyrbastaý oryndarynda dollar 446-451 teńgeden satylyp jatyr

ALMATY. QazAqparat – Astana men Almaty qalalaryndaǵy aqsha aıyrbastaý pýnkterinde dollar 446 - 451 teńgeden saýdalanyp jatyr, dep habarlaıdy QazAqparat tilshisi.

Kurs.kz deregi boıynsha, Astanadaǵy valıýta aıyrbastaý oryndarynda 1 dollar 446– 450 teńgeden satylyp jatyr. Al Almatyda dollar 446,5 – 451 teńge aralyǵynda qubylyp tur.

14 maýsym keshki saýda qorytyndysy boıynsha, dollardyń ortasha quny 1,53 teńgege qymbattap, 451,12 teńge bolǵan.

Ulttyq banktiń 15 maýsymdaǵy resmı baǵamy – 1 dollarǵa 450,16 teńge, Reseı rýbli úshin – 5,35 teńge.

Almatydaǵy aqsha aıyrbastaý oryndarynda rýbl 5,25 – 5,49 teńge aralyǵynda saýdalanyp jatyr. Astanada kórshi el valıýtasy 5,32 - 5,42 teńgeden usynylýda.