Aqsha aıyrbastaý bólimshesiniń basshysy alaıaq bolyp shyqty
ALMATY. Qazaqparat - Almatyda alaıaqtyqpen aınalysqan aqsha aıyrbastaý pýnkti basshysy ustaldy, dep habarlaıdy QazAqparat tilshisi.
Ol adamdarǵa bıznes seriktes bolýdy usynyp 1 mln teńgesin qoldy etken.
Qalalyq ІІD baspasóz qyzmetiniń habarlaýynsha, er adam turaqty klıentterine valıýta baǵamy boıynsha deldaldyq jasap baıýdy usynǵan.
«Ońaı oljaǵa kenelý joldaryna birneshe adam senip qalǵan. Olar barlyǵy 1 mln teńge bergen. Ýaqyt óte bergen. Al kúdiktiden habar bolmady»,- dedi Túrksib aýdandyq ІІB basshysynyń orynbasary Vladımır Reshetnıkov.
Polıtsııanyń habarlaýynsha, klıentter ony izdeı bastaǵanda alaıaq shetel asqany málim boldy.
Quqyq qorǵaýshylar odan japa shekken adamdar bolsa polıtsııaǵa habarlasýyn suraıdy.
