Aqsha aıyrbastaý: shetel valıýtalary neshe teńgeden saýdalanyp jatyr

ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 477 - 481 teńge aralyǵynda saýdalanyp jatyr.

Ulttyq banktiń 26 qyrkúıekke arnalǵan resmı baǵamy — 1 dollarǵa 478,16 teńge.

Reseı rýbliniń ortasha saralanǵan quny — 5,18 teńge.

Eýro — 534,92.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 477,9 teńgeden satylyp jatyr, satyp alý baǵamy — 479, 7 teńge. Eýro 533 — 536 teńge aralyǵynda qubylyp tur.

Al, Astana qalasy boıynsha dollardy satý baǵamy — 477 teńge, satyp alý quny — 481 teńge. Eýro 529 teńgeden satylyp, 535 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,13 - 5,23 aralyǵynda saýdalanyp jatyr.

Aıta keteıik, 25 qyrkúıek keshki saýda qorytyndysy boıynsha, dollardyń ortasha baǵamy 1,48 teńgege tómendep, 478,14 teńge bolǵan.