Aqsha aıyrbastaý pýnkterinde eýro baǵamy 606 teńgeden asty

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollar, eýro men rýbldiń teńgege shaqqandaǵy baǵamy ósti. 

KASE qor naryǵyndaǵy kúndizgi saýda qorytyndysy boıynsha, dollar baǵamy 1,92 teńgege qymbattady.

Bir AQSh dollarynyń ortasha baǵamy — 521,57 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 524 teńgeden satylyp jatyr, satyp alý baǵamy — 522 teńge. Eýro satyp alý baǵamy — 600, satý quny — 605.

Al, Astana qalasy boıynsha dollardy satý baǵamy — 526 teńge, satyp alý quny — 520 teńge. Eýro 599 teńgeden satyp alynyp, 606,5 teńgeden satylyp jatyr.

Dál qazirgi ýaqytta aqsha aıyrbastaý oryndarynda Reseı valıýtasy 6,52 - 6,70 aralyǵynda saýdalanyp jatyr.

Ulttyq banktiń 20 maýsymǵa usynǵan resmı baǵamy — bir dollarǵa 519,55 teńge. Reseı rýbliniń ortasha saralanǵan quny — 6,63 teńge. Eýro — 596,03

Buǵan deıin Tımýr Súleımenov bazalyq mólsherleme kez kelgen ýaqytta ózgerýi múmkin ekenin aıtqan bolatyn.

Qazaqstandyq ekonomıster teńgeniń nyǵaıýyna múmkindik bar ekenin aıtty.