Aqsha aıyrbastaý oryndarynda dollar neshe teńgeden saýdalanyp jatyr

ALMATY. KAZINFORM - Astana men Almaty qalalaryndaǵy aqsha aıyrbastaý pýnkterinde dollar 472– 477 teńgeden saýdalanyp jatyr. 

Kurs.kz derekteri boıynsha, Almatyda valıýta aıyrbastaý oryndarynda 1 dollar 473,1 - 475,3 teńgeden satylyp jatyr. Al, Astanada dollar baǵamy 472 – 477 teńge aralyǵynda qubylyp tur.

Ulttyq banktiń 25 shildedegi resmı baǵamy – 1 dollarǵa 474, 09 teńge. Reseı rýbliniń ortasha saralanǵan baǵamy 5, 48 teńge boldy.

Almatydaǵy aqsha aıyrbastaý oryndarynda Reseı rýbli 5,35 - 5,45 teńge aralyǵynda saýdalanyp jatyr. Astanada kórshi el valıýtasy 5,35 -5,5 teńgeden satylýda.

Aıta keteıik, 24 shilde keshki saýda qorytyndysy boıynsha, dollardyń ortasha baǵamy 1,23 teńgege qymbattap, 474, 06 teńge bolǵan.