Aqsha aıyrbastaý oryndarynda dollar qymbattap jatyr
ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 517– 523 teńgeden saýdalanyp jatyr.
Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 522 teńgeden satylyp jatyr, satyp alý baǵamy — 518 teńge. Al Astana qalasy boıynsha dollardy satý baǵamy — 523 teńge, satyp alý quny — 517 teńge. Keı jerlerde 519-524 teńge aralyǵynda saýdalanyp jatyr.
Ulttyq banktiń 7 sáýirge usynǵan resmı baǵamy — bir dollarǵa 504,34 teńge. Reseı rýbliniń ortasha saralanǵan quny — 5,97 teńge. Eýro — 556,34.
Osyǵan deıin Ulttyq bank valıýta aıyrbastaýdyń jańa erejesin bekitetinin málimdedi.
Sondaı-aq Ulttyq banktiń bazalyq mólsherlemeni kótergeni týraly jazǵan edik.
Qazaqstandyq ekonomıster teńgeniń nyǵaıýyna múmkindik bar ekenin aıtty.
Sondaı-aq Saýda mınıstrligi Tramptyń jańa baj salyǵyna qatysty málimdeme jasady.