Aqsha aıyrbastaý oryndarynda dollar qymbattap jatyr

ALMATY. KAZINFORM – Astana men Almaty qalalaryndaǵy aqsha aıyrbastaý pýnktterinde dollar 492– 496 teńgeden saýdalanyp jatyr.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 492,7 teńgeden satylyp jatyr, satyp alý baǵamy — 494,7 teńge.

Al, Astana qalasy boıynsha dollardy satý baǵamy — 491 teńge, satyp alý quny — 496 teńge.

Ulttyq banktiń 10 qarashaǵa arnalǵan resmı baǵamy — 1 dollarǵa 491,71 teńge.

Osyǵan deıin otandyq qarjy sarapshylary teńgeniń dollarǵa shaqqandaǵy baǵamyna qatysty óz oılaryn aıtty.

Qarjy sarapshysy Rasýl Rysmambetov qazir teńgeniń álsireýi AQSh-taǵy saılaýdyń nátıjesi emes, eń aldymen ishki ekonomıkalyq faktorlarǵa baılanysty dep esepteıdi.