Aqsha aıyrbastaý oryndarynda dollar qansha teńgeden saýdalanyp jatyr

ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 502 – 509 teńgeden saýdalanyp jatyr. 

Ulttyq banktiń 13 aqpanǵa usynǵan resmı baǵamy — bir dollarǵa 501,31 teńge. Reseı rýbliniń ortasha saralanǵan quny — 5,33 teńge. Eýro — 520,11.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 509,1 teńgeden satylyp jatyr, satyp alý baǵamy — 505,1 teńge. Eýro 525,5 — 520,5 teńge aralyǵynda qubylyp tur.

Al, Astana qalasy boıynsha dollardy satý baǵamy — 508 teńge, satyp alý quny — 502 teńge. Eýro 528 teńgeden satylyp, 521 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,25 - 5,35 aralyǵynda saýdalanyp jatyr.

Aıta keteıik, 12 aqpan keshki saýda qorytyndysy boıynsha, dollardyń ortasha baǵamy 4,42 teńgege tómendep, 501,83 teńge bolǵan.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty. 

Sondaı-aq Ulttyq bank valıýta aıyrbastaýdyń jańa erejesin bekitetinin málimdedi. 

Qazaqstandyq ekonomıster teńgeniń nyǵaıýyna múmkindik bar ekenin aıtty.