Aqsha aıyrbastaý oryndarynda dollar da, rýbl de qymbattap jatyr

ALMATY. KAZINFORM — Astana men Almaty qalalaryndaǵy aqsha aıyrbastaý pýnkterinde dollar 462 — 467 teńgeden saýdalanyp jatyr.

Ulttyq banktiń 25 maýsymdaǵy resmı baǵamy — 1 dollarǵa 465,28 teńge. 

Reseı rýbliniń ortasha saralanǵan baǵamy — 5,33 teńge.

Kurs.kz málimeti boıynsha, Astanadaǵy valıýta aıyrbastaý oryndarynda 1 dollar 462 — 467 teńgeden satylyp jatyr. 

Al, Almatyda dollar 464,7 — 467,3 teńge aralyǵynda qubylyp tur.

Dál qazirgi ýaqytta aqsha aıyrbastaý oryndarynda Reseı valıýtasy 5,05 — 5,35 aralyǵynda saýdalanyp jatyr.

Aıta keteıik, 24 maýsym keshki saýda qorytyndysy boıynsha, dollardyń ortasha baǵamy 0,72 teńgege qymbattap, 465,52 teńge bolǵan.