Aqsha aıyrbastaý oryndarynda dollar arzandap, teńge nyǵaıdy

ALMATY. KAZINFORM - Astana men Almaty qalalaryndaǵy aqsha aıyrbastaý pýnkterinde dollar 444-448 teńgeden saýdalanyp jatyr.

Kurs.kz derekteri boıynsha, Almatyda valıýta aıyrbastaý oryndarynda 1 dollar 444,7 - 446,5 teńgeden satylyp jatyr.

Al Astanada dollar baǵamy 444-448 teńge aralyǵynda qubylyp tur.

Ulttyq banktiń 24 sáýirdegi resmı baǵamy – 1 dollarǵa 444,32 teńge.

Reseı rýbliniń ortasha saralanǵan baǵamy 4,76 teńge boldy.

Almatydaǵy aqsha aıyrbastaý oryndarynda Reseı rýbli 4,69 -4,79 teńge aralyǵynda saýdalanyp jatyr.

Astanada kórshi el valıýtasy 4,68 -4,78 teńgeden satylýda.

Aıta keteıik, 23 sáýir kúndizgi saýda qorytyndysy boıynsha, dollardyń ortasha baǵamy 1,44 teńgege tómendep, 444,22 teńge bolǵan.