Aqsha aıyrbastaý oryndarynda dollar 494-499 teńgeden saýdalanyp jatyr

ALMATY. KAZINFORM - Astana men Almaty qalalaryndaǵy aqsha aıyrbastaý pýnktterinde dollar 494 – 499 teńge aralyǵynda saýdalanyp jatyr.

Ulttyq banktiń 13 qarashaǵa arnalǵan resmı baǵamy — 1 dollarǵa 494,95 teńge. Reseı rýbliniń ortasha saralanǵan quny — 5,05 teńge. Eýro — 525,49.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 496,10 teńgeden satylyp jatyr, satyp alý baǵamy — 498,10 teńge. Eýro 525,5 — 529,5 teńge aralyǵynda qubylyp tur.

Al, Astana qalasy boıynsha dollardy satý baǵamy — 494 teńge, satyp alý quny — 499 teńge. Eýro 527 teńgeden satylyp, 533 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 4,99 - 5,12 aralyǵynda saýdalanyp jatyr.

Aıta keteıik, 12 qarasha keshki saýda qorytyndysy boıynsha, dollardyń ortasha baǵamy 1,82 teńgege qymbattap, 495,09 teńge bolǵan.

Qarjyger Rasýl Rysmambetov teńge baǵamynda alypsatarlyq jasaıtyndardy anyqtaý mańyzdy ekenin aıtty. 

Buǵan deıin Ulttyq bank tóraǵasynyń orynbasary Álııa Moldabekova valıýta naryǵyndaǵy sońǵy jaǵdaılarǵa túsinikteme bergen edi.