AQSh zymyranǵa qarsy qorǵanys radaryn Bolgarııada nemese Túrkııada ornalastyrmaq
ASTANA. Tamyzdyń 2-si. QazAqparat - AQSh zymyranǵa qarsy qorǵanys júıesiniń radıolokatsııalyq stansysyn Bolgarııanyń nemese Túrkııanyń aýmaǵyna ornalastyrý týraly kelisimdi jasaýǵa jaqyn.
Bul týraly amerıkandyq buqaralyq aqparat quraldary Pentagonǵa silteme jasap habarlady.
RBK agenttiginiń málimdeýinshe, 2009 jyly qyrkúıektiń 17-sinde AQSh zymyranǵa qarsy qorǵanys elementterin Chehııada nemese Polshada ornalastyrý jónindegi eski josparynan bas tartqanyn, biraq Eýropadaǵy zymyrandyq qorǵanys ıdeıasynan bas tartpaıtynyn málim etken bolatyn.
AQSh qorǵanys mınıstri Robert Geıtstiń atap kórsetýinshe, eski baǵdarlamany utqyr jáne tehnologııalyq qorǵanysy kúshtirek jańa baǵdarlamamen almastyrý qarastyrylýda. Jańa jospar boıynsha radarlar Bolgarııada nemese Túrkııada ornalastyrylýy múmkin.
Degenmen, ázirge AQSh-tyń Túrkııamen jáne Bolgarııamen kelissózin rastaǵan resmı málimet joq.
