AQSh jylyna 36 mıllıon túp aǵashtan aıyrylýda
NUR-SULTAN. QazAqparat - Jýyrda júrgizilgen zertteý boıynsha, aǵashtar jazda kúndizgi temperatýrany Farengeıt boıynsha 10 gradýsqa túsire alatyn qabiletke ıe. AQSh-ta aǵashtar sany azaıyp, ol qorshaǵan ortaǵa zııanyn tıgizýde, dep habarlaıdy CNN.
AQSh Orman sharýashylyǵy qyzmetiniń habarlaýynsha, 1 jylda 36 mıllıon túp aǵash joıylǵan. Bes jyl qatarynan osy qubylys oryn alýda deıdi olar.
«Eger biz dál osy qarqynmen aǵashtarymyzdan, ormandarymyzdan aıyryla beretin bolsaq, qalalar jylyp, lastanyp, turǵyndardyń densaýlyǵyna zııanyn tıgize beredi» deıdi AQSh Orman sharýashylyǵy qyzmetiniń ǵylymı qyzmetkeri , zertteýshi Devıd Novak. Onyń aıtýynsha, ormandardy joıatyn – tornado, daýyl, órt, dert jáne zııankester.
AQSh turǵyndarynyń 80 paıyzy qalalyq aımaqtarda ómir súredi. Olardyń sondaı-aq basym kópshiligi ormanǵa jaqyn jerlerde ekinshi úılerinde demalady.
Novaktyń aıtýynsha, aǵashtar úı, ǵımarat qurylysyna kóp paıdalanylýda. Árıne, ol ǵımaratty kún sáýlesi túskende qyzyp ketýden saqtaıdy, qurylysqa paıdaly materıal. Alaıda, jyldyq shyǵyndy eseptegende, 96 mıllıondy quraǵan.
Sondaı-aq zertteýshi Devıd Novak aǵashtar elektroenergııa shyǵynyn azaıtatyn qasıetke ıe ekenin aıtty. Jylyna 4 mıllıard dollardy únemdeıtinin dáleldedi. «...ıAǵnı, ǵımarattardyń aınalasyna egilgen aǵashtar kondıtsıonerdiń qyzmetin atqarady» deıdi ol. Avtordyń aıtýynsha, aǵashtar ýltrafıolet sáýlesiniń 96 paıyzyn jutyp qoıyp, adamdardyń deniniń saý bolýyna jaǵdaı jasaıdy.
Zertteýshi jasyl ormandar men aǵashtardyń dál osyndaı paıdaly qasıetterin aıtyp, turǵyndardy tabıǵat anaǵa qamqorlyqpen qaraýǵa shaqyrady.
