AQSh jýrnalısteri Golovkındi aǵylshyn tilin úırengeni úshin maqtady
ASTANA. QazAqparat - Jýrnalıst Den Ebroýzdyń aıtýynsha, kásibı boksta xalyqaralyq juldyzǵa aınalý úshin til bilimi de kerek. Al aǵylshyn tilin úırený jaǵynan Alvares qazaqstandyq boksshy Golovkınnen qalyp keledi, dep xabarlaıdy QazAqparat tilshisi.
"Negizi, boksshynyń aǵylshyn tilin bilý deńgeıi onyń sporttyq mansabyna da oń áser ete alady. Ol jaǵynan "Kanelo" baıaý qımyldap jatyr. Menińshe, aýdarmashysyz Amerıkanyń boks súıer qaýymymen tikeleı baılanys ornatýǵa bolady. Golovkın bolsa, Alvarespen salystyrǵanda, kásibı boksqa kesh kelse de, tildi áldeqaıda tez meńgerip ketti", - dep jazdy Ebroýz óziniń Boxingnews24.com saıtyndaǵy baǵanasynda.
Aıta keteıik, buǵan deıin Embroýz Golovkın men Alvares arasyndaǵy kelisimsharttyń mańyzdy bir bólimine qatysty óz pikirin bildirgen bolatyn. Oǵan sáıkes, meksıkalyq boksshyǵa qarymta kezdesýge múmkindik berilip otyr. Bul degenimiz, Alvares utylsa, Golovkın mindetti túrde buǵan kelisýi tıis. Al qazaqstandyq boksshynyń ózi jeńilip qalsa, qarymta kezdesýdi talap ete almaıdy. Den Embroýzdyń oıynsha, Golovkınge «sarybas» meksıkalyq juldyzdy nokaýtpen jeńý kerek. Eger bul aıqas ta nokaýtpen aıaqtalsa, GGG kásibı bokstyń ǵana emes, PPV reıtıngi shyńyna da shyǵa alady.
Golovkın - Alvares jekpe-jegi 16 qyrkúıekte ótedi. Oǵan jankúıerlerdiń rekordtyq sany jınalady degen boljam bar . Osy jekpe-jektiń jeńimpazy WBO tujyrymy boıynsha orta salmaqtaǵy álem chempıony Bıllı Djo Sonderspen (24-0, 12 KO) kezdesýi ábden múmkin. Ol jaıynda ulybrıtanııalyq boksshynyń promoýteri Frenk Ýorren de aıtyp otyr . YouTube-taǵy GOATBoxing arnasy Gennadıı Golovkın men Saýl «Kanelo» Alvarestiń nokaýtttaryn salystyryp, arnaıy beınerolık jasap shyǵardy.
