AQSh jýrnalısteri Golovkın men Alvarestiń qarsylastaryn salystyryp kórdi
"Erıslandı Laraǵa qarsy ótken daýly jekpe-jeginen keıin Alvares rıngke bes ret shyqqan. Onyń opponenteri mynalar: Djeıms Kırklend, Mıgel Kotto, Amır Han, Lıam Smıt pen Hýlıo Sezar kishi Chaves. Olardyń barlyǵyn myqty boksshylardyń qataryna jatqyzýǵa bolmaıdy. Bulardy "rekord jasaıtyn qarsylastar" dep aıta almaımyz. Menińshe, Dennı Djeıkobs nemese Davıd Leme beseýin de japyryp tastaıtyn edi.
Al, endi Golovkınniń sońǵy bes qarsylasyn aıtaıyq. Olar - Davıd Leme, Martın Mıýrreı, Denıel Djeıkobs, Kell Brýk pen Vıllı Monro. Osy boksshylardyń ishinde jalǵyz Lemeniń ózi "Kaneloǵa" qarsy shyqqan sońǵy bes boksshyny op-ońaı jeńe alatynyna senimdimin. Sosyn meksıkalyq boksshyǵa qaraǵanda, ol óz jekpe-jegin ádemi aıaqtaıtyn edi. Menińshe, Han men Kırklend Lemege qarsy bir raýndqa da shydaı almaıdy. Smıt úshinshi raýndqa deıin jete almaıdy. Al Kotto Lemege qarsy altynshy raýndǵa áreń degende shydaıtyn edi. Chaves bolsa, soqqydan qulap, birden óz buryshyna tyǵylatyn edi. Andjeı Fanfaramen bolǵan kezdesýde solaı boldy", - dep jazdy Ebroýz óz materıalynda.
Aıta keteıik, buǵan deıin Den Embroýz Golovkın men Alvares arasyndaǵy kelisimsharttyń bir tusyna qatysty óz pikirin bildirgen bolatyn. Kelisimshartta meksıkalyq boksshyǵa qarymta kezdesýge múmkindik berilip otyr. Bul degenimiz, Alvares utylsa, Golovkın mindetti túrde revanshqa kelisýi tıis. Al qazaqstandyq boksshynyń ózi jeńilip qalsa, qarymta kezdesýdi talap ete almaıdy. Den Embroýztyń oıynsha, Golovkınge «sarybas» meksıkalyq juldyzdy nokaýtpen jeńý kerek. Al qarymta kezdesý de nokaýtpen aıaqtalsa, GGG kásibı bokstyń ǵana emes, PPV reıtıngi shyńyna da shyǵa alady .
