AQSh jumyrtqa daǵdarysyn bastan ótkerip jatyr

ASTANA.KAZINFORM - AQSh-ta qus tumaýynyń órshýinen týyndaǵan taýyq jumyrtqasynyń qymbattaýy bólshek saýdagerlerdi shuǵyl sharalar qabyldaýǵa, al tutynýshylardy qarjylyq múmkindikterin qaıta qaraýǵa májbúr etip jatyr, dep jazady VVS.

Sońǵy eki jylda AQSh-ta jumyrtqa baǵasy ortasha eseppen 65%-ǵa ósti, onyń 40%-y 2023 jyldyń jeltoqsany men 2024 jyldyń jeltoqsany aralyǵynda ósti.

Qus tumaýy amerıkalyq fermerlerdi 2022 jyldyń qańtarynan bastap mazalap keledi.

Associated Press agenttiginiń habarlaýynsha, indet bastalǵannan beri elde 145 mıllıonǵa jýyq taýyq pen basqa qus túrleri joıylǵan. Olardyń kóbi qus tumaýy bolmasa da profılaktıkalyq maqsatta joıyldy.

2024 jyldyń sońynda tumaý indeti kúsheıip, eki aıdyń ishinde – qarasha-jeltoqsanda – shamamen 17 mıllıon qusty joıý qajet boldy.

Nátıjesinde A sanatyndaǵy jumyrtqa baǵasy bir aıda 3,65 dollardan 4,15 dollarǵa kóterildi.

Aıta keteıik, Ilon Mask úkimettiń BAQ-qa jumsaıtyn shyǵynyn qysqartpaqshy.