Tramptyń jeńilisi: AQSh Joǵarǵy soty týý arqyly azamattyq alý quqyǵyn kúshinde qaldyrdy
ASTANA. KAZINFORM – AQSh Joǵarǵy soty el aýmaǵynda dúnıege kelgen adamdardyń AQSh azamattyǵyn avtomatty túrde alý quqyǵyn rastady. Bul quqyqty prezıdent Donald Tramp barynsha shekteýge áreket jasaǵan edi, dep habarlaıdy BBC.
Joǵarǵy sot Tramptyń jarlyǵyn kúshin joıý týraly sheshim qabyldady. Sheshimdi alty sýdıa qoldap, úsheýi qarsy daýys berdi.
Donald Tramp týý arqyly azamattyq alý quqyǵyn shekteý týraly jarlyqqa byltyr qańtarda, prezıdent qyzmetine kiriskennen keıin kóp uzamaı qol qoıǵan. Jarlyqqa qol qoıylǵannan keıin birden bıligi Demokratııalyq partııanyń qolyndaǵy birneshe shtat pen qala ony joıýdy talap etip, sotqa júgindi.
Jarlyqtyń kúshine enýin úsh federaldyq sýdıa toqtatýǵa tyrysqanymen, keıin olardyń sheshimderiniń kúshin AQSh Joǵarǵy soty joıdy. Sonyń nátıjesinde birneshe sot isi bir óndiriske biriktirilip, túpkilikti sheshimdi Joǵarǵy sot seısenbi kúni shyǵardy.
Sarapshylardyń pikirinshe, bul is Donald Tramp úshin erekshe mańyzdy boldy.
Sáýir aıynda ol Joǵarǵy sottaǵy tyńdaýǵa jeke qatysyp, ákimshilik ustanymyn AQSh-tyń bas zań ókili Djon Saýer tanystyrǵan kezde sot zalynda otyrǵan. Sol kezde synshylar prezıdenttiń sotqa kelýin bul isti qaraıtyn sýdıalarǵa yqpal etý áreketi retinde baǵalap, mundaı qadamnyń orynsyz ekenin málimdedi.
Aıta keteıik, Aq úı AQSh-tyń saıası baspana izdeýshilerdi qabyldaýdy tolyǵymen toqtatatynyn málimdedi.
Sondaı-aq Tramp janarmaı quıý stantsııalaryn benzın baǵasyn tómendetýge shaqyrdy.
