AQSh Joǵarǵy soty 350 myń venesýelalyqty deportatsııalaýdy qoldady

ASTANA. KAZINFORM – AQSh Joǵarǵy soty bıliktiń 348 202 venesýelalyq mıgranttyń qorǵanys mártebesin alyp tastaý josparyn qoldady. Buǵan deıin San-Frantsısko sýdıasy bul sheshimge veto qoıǵan, dep habarlaıdy DW.

AQSh Joǵarǵy soty Donald Tramp ákimshiliginiń 350 myńǵa jýyq venesýelalyq mıgranttyń qorǵanysyn alyp tastaý josparyn qoldady. Tıisti qujat dúısenbi, 19 mamyrda sottyń saıtynda jarııalandy. 

Bul sheshim 2023 jyly «ýaqytsha qorǵanysty paıdalanǵan tulǵalar mártebesin» (Temporary Protected Status, TPS) alǵan 348 202 venesýelalyq mıgrantqa qatysty bolady, dep habarlaıdy Reuters.

AQSh Іshki qaýipsizdik mınıstrligi (ІQM) buǵan deıin olardyń mártebesin joıý týraly sheshim qabyldaǵan, biraq San-Frantsıskodaǵy federaldy sýdıa oǵan veto qoıdy. Endi Joǵarǵy sot bıliktiń jaǵyna shyqty.

Buǵan deıin ІQM CHNV (Cuba, Haiti, Nicaragua, Venezuela) baǵdarlamasy boıynsha AQSh-ta qalǵan Kýba men Gaıtı, Nıkaragýa jáne Venesýeladan kelgen 500 myńnan astam mıgrantty deportatsııalaýdy josparlap otyrǵanyn habarlady. Ony 2022 jyldyń qazan aıynda Djo Baıden ákimshiligi iske qosty. 

Sonymen qatar AQSh-tan deportatsııalanǵan 199 mıgrant mingen alǵashqy ushaq Venesýela olardy qabyldaýǵa kelisim bergennen keıin elge qonǵanyn jazǵan bolatynbyz.

Eske sala ketsek, sýdıa Tramptyń adamdardy deportatsııalaý boıynsha ókilettigin shektedi.