AQSh: Jarylǵysh zatpen oqý-jattyǵý kezinde bes ofıtser jaraqat aldy
VAShINGTON. QazAqparat - AQSh-tyń Fıladelfııa qalasyndaǵy Federaldyq tergeý bıýrosy (Federal Bureau of Investigation, FBI,) bólimshesi oqý-jattyǵý kezinde birneshe agenttiktiń jarylǵysh zattarmen jumys isteıtin mamany jaralanǵanyn málimdedi, dep habarlaıdy QazAqparat tilshisi NBC News arnasyna silteme jasap.
Fıladelfııa Federaldyq tergeý bıýrosy Fenıks shtatyndaǵy Kolledjvıllde trenıng ótkizdi. Oqý-jattyǵý kezinde qurylǵy kútpegen jerden jarylyp, saldarynan quqyq qorǵaý organdarynyń bes qyzmetkeri jaraqat aldy.
Resmı tulǵalardyń habarlaýynsha, Montgomerı okrýgindegi sherıf keńsesiniń úsh, Pensılvanııa shtaty polıtsııasynyń jáne Fıladelfııadaǵy Federaldyq tergeý bıýrosy bólimshesiniń jarylǵysh zattarmen jumys isteıtin mamandary jaraqat alǵan.
Montgomerı okrýginiń málimdemesinde olardyń úsh qyzmetkeri 12 jyldan 14 jylǵa deıin jumys ótili bar sherıf qyzmetiniń ardagerleri ekeni aıtylǵan.
Kúshtik qurylym ofıtserleri em alý úshin aýrýhanalarǵa jetkizildi.
Federaldyq tergeý bıýrosy men Pensılvanııa shtatynyń polıtsııasy tergeý jumystaryn júrgizip jatyr.
Foto: nbcnews.com
