AQSh jarnamaǵa bola Kanadamen saýda kelissózderin toqtatady

ASTANA.KAZINFORM - AQSh prezıdenti Donald Tramp Ronald Reıgan túsken jarnamalyq rolıkke bola Ottavamen saýda kelissózderi aıaqtalǵanyn jarııalady.

Aq úı basshysy Kanadany AQSh-tyń burynǵy prezıdenti Ronald Reıgannyń AQSh tarıfteri týraly teris pikir bildirgen «jalǵan» jarnamasyn paıdalandy dep aıyptady.

Jarnamada AQSh-tyń 40-shy prezıdentiniń tarıfter «árbir amerıkalyqqa zııan keltiredi» degen sózi keltirilgen.

Tramp Kanadanyń Ontarıo provıntsııasynyń úkimeti demeýshilik etken jarnama faktileri burmalanǵan dep málimdeıdi.

- Ronald Reıgan qory jaqynda Kanadanyń tarıfter týraly teris pikir bildirgen Ronald Reıgannyń jalǵan jarnamasyn alaıaqtyq jolmen paıdalanǵanyn jarııalady. Jarnama 75 mıllıon dollarǵa baǵalandy. Olar muny tek AQSh Joǵarǵy sotynyń jáne basqa da sottardyń sheshimin buzý úshin jasady, - dep jazdy ol Truth Social paraqshasynda.

Amerıka kóshbasshysy kedendik bajdardyń ulttyq qaýipsizdik pen el ekonomıkasy úshin óte mańyzdy ekenin atap ótti.

Kanada bıligi Tramptyń málimdemesine áli túsinik bergen joq.

Amerıkalyq konservatızmniń sımvoly sanalatyn Ronald Reıgan 1981 jyldan 1989 jylǵa deıin AQSh prezıdenti qyzmetin atqardy.

Maýsym aıynyń sońynda Tramp tsıfrlyq qyzmetterge salynatyn salyqty aıtyp, Kanadamen barlyq saýda kelissózderiniń aıaqtalǵanyn jarııalady.

Esterińizge sala keteıik, kóktemde AQSh Kanada ımportyna, sonyń ishinde aǵash, bolat, alıýmınıı jáne avtomobılderge 25% tarıf engizdi, bul Ottavanyń tıisinshe jaýap qaıtarýyna sebep boldy. Al jazda Tramp tarıfti 35%-ǵa deıin kóterdi.

Osyǵan deıin Tramptyń Meksıka men Kanada kelisimin qaıta qaraıtyny týraly jazdyq.