AQSh, Japonııa jáne Ońtústik Koreıa KHDR-dyń ıadrolyq baǵdarlamasy boıynsha kezdesý ótkizedi
ASTANA. QazAqparat - Japonııa, AQSh jáne Ońtústik Koreıa 31 shildede Tokıoda Koreıa túbegindegi ıadrolyq baǵdarlama jóninde óz delegatsııalary basshylarynyń altyjaqty kelissózderdegi kezdesýin ótkizedi, dep habarlandy japondyq SІM-niń dúısenbi kúni jarııalanǵan málimdemesinde.
«Altylyq» kelissózderi Beıjińde 2006-2009 jyldar aralyǵynda Reseı, Qytaı, AQSh, Japonııa, KHDR jáne Koreıa Respýblıkasy joǵary shendi dıplomattarynyń qatysýymen ótken bolatyn. Alaıda, olar Phenıannyń ıadrolyq jasalymdaryn toqtatý maqsatyna qol jetkize almady, dep habarlady RIA Novostı.
Japonııa SІM habarlaýynsha, Tokıodaǵy úshjaqty kezdesýde odaqtastar delegatsııalarynyń basshylary «Soltústik Koreıadaǵy sońǵy jaǵdaılarǵa qatysty pikir alysady» jáne bir-birimen tyǵyz yntymaqtastyqty jalǵastyrý nıetin qýattaıdy.
Kezdesýge Japonııa SІM azııalyq departamentiniń keńesshisi Sıgekı Takıdzakı, altyjaqty kelissózder jónindegi AQSh-tyń arnaıy ókili Sıdnı Seıler jáne Koreıa Respýblıkasy SІM soltústikkoreıalyq ıadrolyq baǵdarlama problemalary jónindegi saıasatty úılestirý bóliminiń basshysy Kım Gon qatysady.
Bıylǵy jyldyń mamyr aıynda Seýlde AQSh, Japonııa ján Ońtústik Koreıa joǵary shendi ókilderiniń osyndaı kezdesýi ótken bolatyn. Onyń qorytyndylary boıynsha, olar QHDR-ǵa qysymdy kúsheıte túsip, bul eldi kelissózder ústeline «qaıtarýǵa» tyrysatynyn málimdedi.
Phenıanda bul málimdemenits sandyraq dep atady, óıtkeni AQSh jáne onyń odaqtastary emes, KHDR kelissózderge shaqyryp, aldyn ala sharttaryn usyndy.
Budan buryn RIA Novostı agenttigine bergen suhbatynda RF SІM erekshe tapsyrmalar jónindegi elshisi Grıgorıı Logvınovtiń atap ótýinshe, AQSh-tyń, Japonııanyń jáne Ońtústik Koreıanyń KHDR-ǵa onyń ıadrolyq baǵdarlamasyn toqtatý úshin qysymdy kúsheıtýge tyrysý áreketteri oń nátıjelerge qol jetkizbeıdi.
