AQSh, Japonııa, Ulybrıtanııada shyǵarylǵan dáriler neshe kúnde tirkeledi – DSM jaýaby

ASTANA. KAZINFORM – QR Densaýlyq saqtaý vıtse-mınıstri Erjan Nurlybaev budan keıin keıbir elderden keletin dári-dármekter bizdiń elde az ýaqytta tirkeletinin aıtty.

АҚШ, Жапония, Ұлыбританияда шығарылған дәрілер неше күнде тіркеледі – ДСМ жауабы
Фото: Денсаулық сақтау министрлігі

Spıker qoldanystaǵy erejelerge saı dári-dármekterdiń Qazaqstan aýmaǵyna enýi uzaq ýaqyt alatynyn atap ótti.

– Qazaqstan aýmaǵynda dári-dármektiń aınalymǵa enýi úshin orta eseppen 2 jyldan 5 jylǵa deıin ýaqyt qajet, - dedi Erjan Nurlybaev OKQ alańynda.

Mınıstrlik bul protsesti jeńildetýdi josparlap otyr. Spıkerdiń aıtýynsha, ol úshin aldymen «bir tereze» qaǵıdaty boıynsha keshendi qyzmet kórsetý júıesi iske qosylady. Sodan soń sheteldik dári-dármekterdi elimizde 100 kún ishinde tirkeý múmkin bolady. 

Odan bólek, vıtse-mınıstr keıbir elderden dárilik zattardy bar-joǵy jarty aı ishinde tirkeý múmkin bolatynyn aıtty. 

– Bizde retteýshi júıesi damyǵan elder bar. Osyny eskere otyryp EO elderi, Japonııa, AQSh, Ulybrıtanııa syndy tizimge engizilgen elderde óndiriletin dári-dármekterdi jedeldetilgen tártippen tirkeý qarastyrylyp jatyr. Atalǵan elderden keletin dári-dármekterdi 15 jumys kúni ishinde tirkeý josparlanyp otyr, - dep qorytyndylady Erjan Nurlybaev.

Buǵan deın el azamattary tegin alatyn dáriler tizbegi keńeıtilgenin jazǵan edik. Sondaı-aq elimizde dári-dármektiń baǵasy 30 paıyz arzandaıtyny belgili boldy. 

Сейчас читают