AQSh jankúıerleri Vashıngtondaǵy ulttyq áýejaıǵa Hoýard esimin berý týraly bastama kóterdi
ASTANA. QazAqparat - AQSh-ta bastamashy top Vashıngton qalasyndaǵy ulttyq áýejaıdan Ronald Reıgan esimin alyp, qaqpashy Tım Hoýard esimin berý kerek degen bastama kóterýde.
1/8 fınaldaǵy Belgııa - AQSh matchynda (2:1) amerıkalyqtardyń qaqpashysy Hoýard 16 soqqyny keıin qaıtarǵan. Bul matchta belgııalyqtar AQSh qaqpasyn 38 ret kózdepti: onyń 16-syn Hoýard qaıtarsa, 9-yn qorǵaýshylar uzatpaǵan, 11 soqqy shetke ketken, ekeýi qaqpa tórinen tabylǵan. Hoýard matchtyń úzdik fýtbolshysy bolyp tanyldy. Ol sonshalyqty shabytpen oınamasa, AQSh quramasy áldeqaıda iri eseppen utylyp qalýy múmkin edi. Hoýardtyń bul jetistigi álem chempıonattarynyń rekordy bolyp ta tirkelip otyr. Buǵan deıin eshbir qaqpashy bir machta osynsha soqqyny qaıtara almapty. Bastamashy top qol jınaýǵa kirisip ketti. Eger «áýejaıǵa Hoýard esimi berilsin» degen oıdy qoldaýshylar sany 100 myńǵa jetse, Aq úı resmı jaýap berýge tıis. Áleýmettik jelilerde tipti «AQSh-tyń kelesi prezıdenti tap sol Tım bolýǵa tıis» dep bastama kóterýshiler de paıda bolypty, dep jazady «Aıqyn» basylymy.
