AQSh jáne Ortalyq Azııa elderimen bıznes-seriktestik: Almatyda B5+1 forýmy ótip jatyr

ASTANA. KAZINFORM - Almaty qalasynda «Memlekettik-jekemenshik dıalog arqyly Ortalyq Azııanyń óńirlik ekonomıkalyq ıntegratsııasyn nyǵaıtý» B5+1 forýmy ótip jatyr. Іs-sharaǵa Ortalyq Azııadaǵy bes eldiń bıznes-qoǵamdastyǵy men memlekettik apparatynyń ókilderi kelgen, dep habarlaıdy Ekonomıka mınıstrligi.

Іskerlik is-sharany CIPE (AQSh) halyqaralyq jeke kásipkerlik ortalyǵynyń kómegimen QR Ulttyq ekonomıka mınıstrligi uıymdastyrǵan.

V5+1 forýmynyń maqsaty – óńirdiń tolyq ekonomıkalyq derbestigi úshin Ortalyq Azııadaǵy saýda, ınvestıtsııa jáne ekonomıkalyq ıntegratsııaǵa járdemdesý.

Paneldik pikirtalastarǵa qatysýshylar ıaǵnı bıznes-qoǵamdastyqtardyń, memlekettik organdardyń, halyqaralyq ınstıtýttardyń ókilderi óz kezeginde óńirlik jetistikterdi, ekonomıkalyq damýdyń qoldanystaǵy baǵdarlamalaryn jáne ekonomıkalyq ıntegratsııany nyǵaıtý boıynsha áriptestiktiń áleýetti baǵyttaryn talqylaıdy.

Amerıkalyq kompanııalardyń ókilderi Ortalyq Azııaǵa ekonomıkanyń basym sektorlaryna ınvestıtsııa salý týraly óz kózqarastarymen bólisedi. Jergilikti bıznes qaýymdastyqtary jańa naryqtardy damytý jáne olarǵa qol jetkizý úshin advokatsııa men memlekettik jáne jeke sektorlar arasyndaǵy dıalogty paıdalanýdyń joldaryn, ári onyń múmkindikterin talqylaıdy.

B5+1 forýmynyń nátıjesi jeke sektormen ulttyq jáne óńirlik bıznes kún tártibindegi belsendi jumys bolýǵa tıis. Eki kúndik is-shara bıznes-qoǵamdastyqqa Ortalyq Azııa úshin ınklıýzıvti jáne ıntegratsııalanǵan ekonomıkalyq bolashaq týraly óz kózqarasyn usynýǵa jáne úkimetterge S5+1 ekonomıkalyq maqsatyna jetý úshin jeke sektor usynymdarynyń qundylyǵyn baǵalaýǵa múmkindik beredi.

Іs-shara aıaqtalǵannan keıin qatysýshylarǵa ınnovatsııalarǵa, sheteldik ınvestıtsııalarǵa jáne halyqaralyq saýda aǵyndaryna qoljetimdilikti keńeıtý arqyly ekonomıkalyq ıntegratsııany jaqsartý jáne turaqtylyqty arttyrý úshin mańyzdy jalpy kún tártibin ázirleý boıynsha mindettemelerdi qabyldaý usynylady.