AQSh jáne Eýropa qalalarynda «Máńgilik polk» aktsııasy bastaldy
ASTANA. QazAqparat - Senbi kúni Eýropa men AQSh qalalarynda Uly Otan soǵysy kezinde qaza tapqandardy eske alý qurmetine uıymdastyrylǵan «Máńgilik polk» qoǵamdyq aktsııasy bastaldy. Kóptegen elderde bul aktsııa alǵash ret ótedi.
Keıbir qalalarda «Máńgilik polk» aktsııasy keshteý - jeksenbi jáne dúısenbi, 8 jáne 9 mamyr kúnderi bastalady.
Aktsııa uıymdastyrýshylarynyń RIA Novostı agenttigine habarlaýynsha, «Máńgilik polk» qataryna «ulty, dini, saıası jáne ózge kózqarastaryna qaramastan, kez kelgen adam» tura alady.
Saltanatty aktsııalar AQSh, Kanada, Germanııa, Frantsııa, Ulybrıtanııa, Ispanııa, Shveıtsarııa, Estonııa, Latvııa, Chehııa, Lıtva jáne taǵy basqa kóptegen elderde ótedi.
«Máńgilik polk» - adamdardyń Uly Otan soǵysyna qatysqan týystarynyń fotosýretterin qolǵa ustap ótetin marshtan turatyn qoǵamdyq aktsııa. Ol Jeńis kúni Reseıde jáne basqa elderde ótkiziledi.
Bıylǵy jyly «Máńgilik polk» www.polkrf.ru ǵalamtor-portalyn ashyp, jahandyq áleýmenttik jelini qurdy. Portal Uly Otan soǵysy sarbazdarynyń búkil álemde turatyn 290 mıllıon urpaǵyn biriktire alady. Onda áskerı is-qımyldardyń qatysýshylary týraly ǵana emes, tyl eńbekkerleri, partızandar jáne soǵys balalary týraly málimetter jınalady. Jaýyngerlerdiń urpaqtary urys oryndary bolǵan jerde jınalyp, sarbazdardy eske alý múmkindigine ıe bolady.
