AQSh jańa «Jibek jolyn» tartyp jatyr
ASTANA. 28 qyrkúıek. QazAqparat - AQSh-ta Ońtústik jáne Ortalyq Azııamen baılanystyratyn jańa «Jibek joly» salynyp jatyr.
Jańa «Jibek joly» aıasynda (The New Silk Road) AQSh Ońtústik jáne Ortalyq Azııa elderimen saýda baılanysyn nyǵaıtý úshin qolaıly jaǵdaı jasaýǵa múddeli, dep habarlaıdy «Amerıka daýysy».
«Jańa «Jibek joly» Ońtústik jáne Ortalyq Azııamen aradaǵy osy aımaqtyń elderine, ásirese Aýǵanstan men Pákistanǵa paıda ákeletindeı saýda jáne tranzıttik baılanystyń jetildirilgen ári keńaýqymdy jelisine aınalýy tıis», - dep eskerdi Memlekettik hatshynyń kómekshisi Robert Bleık.
Bolashaq aımaqtyq seriktestiktiń mysaly retinde Bleık Túrkimenstan, Aýǵanstan, Pákistan men Úndistandy jalǵaıtyn gaz qubyrlarynyń qurylysy jobasyn aıtyp ótti. Ári qaraı ol Qyrǵyzstan men Tájikstannan Aýǵanstan aýmaǵy arqyly Pákistanǵa elektr energııasyn tasymaldaýǵa múmkindik beretin «CASA-100» jobasyn eske alady.
