AQSh jańa sanktsııa salǵan jaǵdaıda Iran ıadrolyq kelisimdi buzbaq
ASTANA. QazAqparat - Vashıngton Tegeranǵa qarsy jańa sanktsııa engizgen jaǵdaıda, Iran birden ıadrolyq kelisimdi buzatyndyǵyn habarlady.
Bul týraly Iran prezıdenti Hasan Roýhanı málimdedi, dep jazady TASS.
«Eger olar (AQSh) osy ádisterdi (sanktsııa) qoldanǵysy kelse, biz az ýaqyttyń ishinde - bir apta emes, bir aı emes, birneshe kún nemese birneshe saǵat ishinde burynǵy jaǵdaıymyzǵa oralamyz (ıadrolyq kelisim jasalǵanǵa deıingi)», - dedi Roýhanı.
Aıta keteıik, 2015 jyly 15 shildede Iran men álemdik «altylyqtyń» Tegerannyń ıadrolyq baǵdarlamasyna qatysty kelissózi nátıjeli aıaqtalyp, taraptar kelisim jasasqan edi. Oǵan sáıkes Iran óz aýmaǵyndaǵy ıadrolyq nysandarǵa Halyqaralyq atom energııasy agenttigi (MAGATE) tekserýshilerin jiberýge, al Batys elderi Iranǵa salynǵan sanktsııalardy birtindep alyp tastaýǵa mindetteme alǵan.
