AQSh: Jańa 20 dollarlyq banknotta qara násildi áıel beınesi bolady
ASTANA. QazAqparat - Jańa 20 dollarlyq banknotta quldyqqa qarsy narazylyq bildergen afroamerıkalyq belsendi áıel Garrıet Tabmenniń sýreti bolmaq, dep habarlady AQSh qarjy mınıstrligine siltememen Bı-bı-sı.
Ol sońǵy júz jyldan astam ýaqyttan bergi amerıkalyq banknotta beınelengen alǵashqy áıel bolmaq.
Oǵan deıin mundaı mártebege burynǵy birinshi ledı Marta Vashıngton jáne úndis hanshaıymy Pokahontas ıe bolǵan. Marta Vashıngtonyń beınesi 1891-1896 jyldary shyqqan bir dollarlyq kúmis sertıfıkatta beınelengen. Al hanshaıymnyń júzi 1865-1869 jyldardaǵy 20 dollarlyq kýpıýrada kórinis tapty.
Jańa 20 dollarlyq banknotta quldyqtyń joıylýy úshin kúresken Garrıet Tabmenniń sýreti AQSh-tyń jetinshi prezıdenti, qul ıegeri Endrıý Djeksonnyń portretin almastyrady.
