AQSh jaǵalaýynda aýǵa shyrmalǵan úsh kıttiń ekeýin qutqaryp qala almady
ASTANA. QazAqparat - Álemde sırek kezdesetinderdiń qataryndaǵy soltústikte mekendeıtin úsh kıt Men shtatynda balyq aýlaý jabdyqtaryna oralyp qalǵan.
Muhıttar men atmosferany zertteý boıynsha AQSh Ulttyq basqarmasynan habarlaǵandaı, eki janýar óldi, bireýin mamandar qutqaryp qaldy.
Vedomstvo qyzmetkerleri jabdyqtar qaı kompanııaǵa tıesili ekenin anyqtaý úshin ólgen kıtterdi zerttep jatyr. Salmaqtary shamamen 45 tonna. Basqarma qyzmetkerleri onyń ıeleri balyq aýlaý erejelerin buzýy múmkin dep boljap otyr.
Zertteýshilerdiń málimetinshe, kıttiń bul túrleri 100 myńnan 1992 jyly shamamen 300-ge deıin qysqarǵan. Qazir bul sútqorektilerdi aýlaýǵa tyıym salyndy. Frontiers in Marine Science jýrnalynda jarııalanǵan zertteý nátıjelerine sáıkes 2010 jylǵa qaraı atalǵan kıtterdiń taralymy 500-ge deıin ǵana ósti.
Bul janýarlardyń salmaǵy 100 tonnaǵa, uzyndyǵy 18 metrge deıin jetýi múmkin, dep habarlaıdy TASS.
