AQSh jaǵalaýlaryn polıar japalaǵy basyp aldy
ASTANA. 25 qańtar. QazAqparat - AQSh-tyń shyǵys jaǵalaýynda belgisiz sebeptermen aq japalaqtar qaptap ketti. Olar Atlantıkadan bastap Florıdaǵa deıingi aralyqta kóp kezdesedi. Soltústik jyrtqyshtarynyń ońtústikke qaraı tym alysqa qanat qaqpaıtynyn eskersek, bul tańǵalarlyq jaǵdaı, dep jazady segodnya.ua.
Japalaqtar eldegi áýejaılarda kóptegen problemalar týdyrýda. «Olar áýege kóterilip jatqan ushaqtarǵa soǵylýy múmkin» degen qaýip bar. Boston halyqaralyq áýejaıynda 53 úki aýlanyp, qaýipsiz jerge aparyldy.
Sondaı-aq, aq úkiler Vashıngtonda da paıda bolǵan. Olardyń biri adamdardan qoryqpastan, Washington Post gazetiniń redaktsııasynyń ǵımaratyna kelip qonǵan.
Ǵalymdar bul qustardyń nelikten osynsha alshaq qashyqtyqqa ushyp kelgenin túsindire almaıdy. Aldymen olardyń mekendegen jerlerinde qorekteri taýsylyp qalǵan degen boljam jasaldy. Alaıda, qustardyń salmaǵyn ólshegende, asa jadap-júdemegenderi anyqtaldy.
