AQSh jaǵalaý kúzeti «Tıtan» batıskafynyń qaldyqtary men adam súıekterine uqsas zattardy tapty

AQSh jaǵalaý kúzetiniń mamandary Atlant muhıtynda batyp ketken «Tıtan» batıskafynyń qaldyqtaryn jáne aldyn ala boljam boıynsha, adam súıekterin tapty. Bul týraly departamenttiń baspasóz qyzmetinen habarlady, dep jazady Kazinform agenttigi TASS aqparat agenttigine silteme jasap. 

«AQSh jaǵalaý kúzetiniń Teńizdegi apattardy tekserý komıssııasynyń qaýipsizdik máseleler jónindegi ınjenerleri Soltústik Atlant muhıtynyń túbinen «Tıtan» synyqtary men aıǵaqtaryn anyqtap, shyǵardy», - delingen habarlamada.

Jaǵalaý kúzeti sarapshylar portqa dáleldemelerdi «katalogtaý jáne taldaý úshin» jibergenin atap ótti. Málimdemede sondaı-aq súńgýir kemeniń synyqtarynan adam súıekterine uqsaıtyn zattar shyǵarylǵany delingen. Olar dárigerlerge saraptamaǵa jiberildi.