AQSh ıÝNESKO uıymynan shyǵyp jatyr
ASTANA. QazAqparat - AQSh BUU-nyń Bilim, ǵylym jáne mádenıet máseleleri jónindegi (ıÝNESKO) uıymynan shyǵady, dep habarlaıdy TASS.
Amerıkanyń memlekettik departamenti baspasóz qyzmetiniń basshysy Hezer Naýerttiń beısenbi kúni taratqan málimdemesinde atap ótkendeı, sheshim 2018 jyldyń 31 jeltoqsanynda kúshine enedi.
«2017 jyldyń 12 qazanynda Memlekettik departament ıÝNESKO bas dırektory Irına Bokovaǵa AQSh-tyń uıymnan shyǵatyny týraly jáne ıÝNESKO-da baqylaýshylardyń turaqty mıssııasyn qurýǵa nıetti ekendigin eskertti», - delingen málimdemede.
Naýert atap ótkendeı, bul sheshimdi qabyldaý ońaıǵa soqpaǵan. Bul «ıÝNESKO qaryzynyń ósýine baılanysty AQSh-tyń alańdaýshylyǵyn, osy uıymda túbegeıli reformalar júrgizý qajettiligin jáne ıÝNESKO-daǵy antıızraıldik teris túsiniktiń saqtalǵanyn» kórsetedi.
AQSh atalǵan halyqaralyq qurylymǵa múshe bolmaı, baqylaýshy el retinde ıÝNESKO-men qarym-qatynasty saqtaýǵa múddeli ekendigin málimdedi.
