AQSh Iemenge 12-den astam áýe soqqysyn jasady
ASTANA. KAZINFORM – Sársenbi kúni keshke amerıkalyq áskerı ushaqtar Iemen astanasy Sana men ál-Djaýf provıntsııasyna 12-den astam áýe soqqysyn jasady, dep habarlaıdy Kazinform tilshisi Middle East Monitor basylymyna silteme jasap.
Shabýyldan As-Sabın aýdanynyna qarasty ál-Hafa aımaǵy men ál-Djaýf provıntsııasyndaǵy ál-Hazm qalasy zardap shekti. Degenmen bul áýe soqqysynan qurban bolǵandar týraly málimet áli naqtylanǵan joq.
– AQSh-tyń áýe shabýyldarynan 15 naýryzdan beri kem degende 124 beıbit turǵyn ajal qushty. Sonymen qatar 256 adam, negizinen balalar men áıelder jaralandy, - dep habarlady hýsıtter.
AQSh prezıdenti Donald Tramp ótken aıda hýsıtterge qarsy «sheshýshi jáne kúshti áskerı áreketke» buıryq bergenin aıtty. Sodan keıin «olardy tolyǵymen joıamyz» dep qorqytty.
2023 jyldyń qarasha aıynan bastap hýsıtter 18 aıdan astam Izraıldiń áskerı áreketi 51 000 adamnyń ómirin qıǵan Gaza sektoryndaǵy palestınalyqtarmen yntymaqtasa otyryp, Qyzyl jáne Arab teńizderi, Bab-el-Mandeb buǵazy jáne Aden shyǵanaǵy arqyly ótetin kemelerge shabýyl jasap jatyr.
Izraıl men palestınalyq qarsylasý Hamas toby arasynda qańtar aıynda Gazada atysty toqtatý kelisimi jarııalanǵannan keıin hýsıtter shabýyldaryn toqtatty. Biraq Izraıl ótken aıda Gazaǵa áýe shabýyldaryn jalǵastyrǵannan keıin qaıta bastady.