AQSh Iemendegi hýsıtterdi lańkestik uıym retinde qaıta tanydy

ASTANA. KAZINFORM – Djo Baıden bılikke kelgennen keıin hýsıtter AQSh-tyń «sheteldik terrorıstik uıymdar» tiziminen shyǵaryldy, dep habarlaıdy VVS. 

Donald Tramp «Ansar Allah» (Iemenniń kóp bóligin baqylaıtyn hýsıtter) tobyn terrorıstik uıym retinde qaıta taný protsesin bastaý týraly jarlyqqa qol qoıdy.

- Hýsıtterdiń áreketteri Taıaý Shyǵystaǵy amerıkalyq beıbit turǵyndar men qyzmetkerlerdiń qaýipsizdigine, eń jaqyn aımaqtyq seriktesterimizdiń qaýipsizdigine jáne jahandyq teńiz saýdasynyń turaqtylyǵyna qaýip tóndiredi, - delingen qujatta. 

Djo Baıden 2021 jyly prezıdent bolyp saılanǵan soń hýsıtter AQSh-tyń «sheteldik terrorıstik uıymdar» (FTO) tiziminen shyǵaryldy. 

2023 jyldyń qazan aıynda HAMAS-tyń Izraılge jasaǵan shabýylynan keıin hýsıtter halyqaralyq keme qatynasy men Izraıl aýmaǵyna shabýyl jasaı bastaǵanda, Aq úı olardy «jahandyq belsendi terrorıstik uıym» tizimine qaıta qosty. 

Tramp jarlyǵynda Irandy qoldaıtyn hýsıtter 2023 jyldan beri AQSh áskerı kemelerine ondaǵan snarıad jaýdyrdy. Sonymen qatar BAÁ áýejaılaryn qosa azamattyq ınfraqurylymǵa shabýyl jasaǵany jáne Izraılge 300-den astam snarıad atqylaǵany aıtylǵan. 

- Hýsıtter sondaı-aq Bab-el-Mandeb buǵazy arqyly ótetin kommertsııalyq kemelerge 100-den asa shabýyl jasap, saldarynan kem degende 4 adam qaza tapty. Al Qyzyl teńizdegi keıbir kommertsııalyq tasymaldaýshylar baǵytty ózgertýge májbúr boldy. Bul jahandyq ınflıatsııanyń ósýine yqpal etti, - delingen qujatta.