AQSh Iemendegi hýsıtter bekinisine soqqy berdi
ASTANA. KAZINFORM — AQSh naýqanyna jaýap retinde Iemendik hýsıtter jetekshisi shabýyldy kúsheıtýge ýáde berdi, dep habarlaıdy Kazinform tilshisi.
Beısenbige qaraǵan túni AQSh Iemenge áýe shabýyldaryn jalǵastyrdy, onyń ishinde el astanasy Sana, Qyzyl teńiz jaǵalaýyndaǵy Hodeıda porty jáne Iemenniń hýsıt jetekshilerine uzaq ýaqyt boıy pana bolǵan Saada provıntsııasy bar.
Iemenniń hýsılermen baılanysy bar Al Masirah telearnasy ártúrli jerlerge, sonyń ishinde Saadanyń ál-Safra aımaǵyna 10-nan astam soqqy berilgenin habarlady.
Bul aımaqta qarý-jaraq qoımalary men oqý-jattyǵý polıgondary bar jáne toptyń eń mańyzdy jáne jaqsy nyǵaıtylǵan áskerı bekinisteriniń biri sanalady, dep habarlady Reuters ıemendik derekkózderge silteme jasap.
Sondaı-aq el astanasyndaǵy áýejaı mańynda ornalasqan Sananyń ál-Djarraf aýdanyna da shabýyldar jasaldy. Sananyń ál-Táýra aýdanyna jasalǵan soqqydan toǵyz adam, áıelder men balalar jaralandy. Bul týraly X áleýmettik jelisinde hýsıtterdiń densaýlyq saqtaý mınıstrliginiń ókili Anıs ál-Asbahı habarlady.
Al Masirah telearnasynyń habarlaýynsha, soqqynyń Iemenniń ońtústigindegi ál-Baıda provıntsııasyndaǵy ál-Sýveıdııa provıntsııasy da nysanaǵa alynǵan. Provıntsııada hýsıtterge tıesili áskerı nysandar men qarý qoımalary bar ekeni belgili.
AQSh Ortalyq qolbasshylyǵy hýsıtterge qarsy operatsııany táýlik boıy jalǵastyryp jatqanyn málimdedi.
CENTCOM forces continue 24/7 operations against the Iran-backed Houthis…#HouthisAreTerrorists pic.twitter.com/RkWsmDgEFR
— U.S. Central Command (@CENTCOM) March 19, 2025
Hýsıt jetekshileri AQSh-tyń áskerı kampanııasyna jaýap retinde shabýyldaryn kúsheıtetinin málimdedi.
— Qazir Iemen AQSh-pen soǵys jaǵdaıynda ekenin kórip otyrmyz, bul ózimizdi barlyq múmkin tásildermen qorǵaýǵa quqyǵymyz bar degendi bildiredi. Sondyqtan shıelenistiń kúsheıýi yqtımal, — dedi hýsıtterdiń syrtqy ister mınıstri Djamal Amer Reuters agenttigine Sanadan bergen suhbatynda.
Hýsıtter úkimetiniń Iemen qarýly kúshteri beısenbi kúni Izraıldiń teńiz saýdasyn buǵattaýdy jalǵastyratynyn jáne Gazany qoldaıtynyn málimdedi. Olar bul áreketterin agressııa toqtap, anklav qorshaýdan shyqqanǵa deıin jalǵastyratynyn atap ótti.
Sársenbi kúni hýsıtter AQSh-tyń áýe kemesine taǵy bir shabýyl jasady. Al beısenbi kúni tańerteń olar Tel-Avıv áýejaıynda Palestına-2 ballıstıkalyq zymyranyn ushyrdy. Izraıl qorǵanys kúshteri Iemennen atylǵan zymyrandy eldiń áýe keńistigine kirmes buryn áýe kúshteri atyp túsirgenin habarlady.
15 naýryz, senbi kúni hýsıtterdiń Qyzyl teńizdegi kemelerge jasaǵan shabýyldaryna jaýap retinde bastalǵan souqylar AQSh prezıdenti Donald Tramp qańtarda bılikke kelgennen bergi Taıaý Shyǵystaǵy eń iri áskerı operatsııa boldy.
Tramp sondaı-aq Irandy hýsıtterdiń aldaǵy shabýyly úshin jaýapkershilikke tartamyn dep qorqytyp, onyń saldary aýyr bolatynyn eskertti.
Izraıldiń HAMAS-pen soǵysy 2023 jyldyń aıaǵynda bastalǵannan beri Iran qoldaıtyn hýsıtter Gaza sektoryndaǵy palestınalyqtarmen yntymaqtastyqta áreket etip jatyr dep, teńiz kemelerine 100-den astam shabýyl jasady. Shabýyldar jahandyq saýdany buzyp, júk tasymaldaýshy kompanııalardy Afrıka qurlyǵynda uzaǵyraq jol júrýge májbúr etti.
Aıta keteıik, bıyl AQSh-tyń jańa ákimshiligi ıemendik hýsıtterdi «terrorlyq uıym» dep taǵy da moıyndady.
Buǵan deıin ıemendik hýsıtterdiń kim ekenin aıtqan bolatynbyz.