AQSh Iemende ushqyshsyz ushaqtarǵa soqqy berdi
ASTANA. KAZINFORM - Amerıkalyq áskerı ushaq Irannyń taǵy úsh ushaǵy men ballıstıkalyq zymyranyn atyp túsirdi. Bul týraly «Amerıka daýysy» habarlady.
AQSh Iemen ushyrýǵa daıyndap jatqan 10 ushaqty joıyp jiberdi. Bul soqqylar Gaza sektoryndaǵy qaqtyǵys aımaqqa tarap jatqan shıelenis kezinde jasaldy.
«AQSh Áskerı-teńiz kúshteriniń kemesi Aden shyǵanaǵynda Irannyń úsh ushqyshsyz ushaǵyn jáne hýsıtterdiń kemege qarsy ballıstıkalyq zymyranyn atyp túsirdi», - dep habarlady AQSh Ortalyq qolbasshylyǵy.
Qurban bolǵandar men qıraý týraly aqparat túsken joq.
Buǵan deıin hýsıtter áskerı-teńiz kúshteriniń AQSh-tyń Grevlı esmınetsine zymyran shabýylynan keıin Aden shyǵanaǵynda «amerıkalyq saýda kemesine» qarsy operatsııa júrgizgenin habarlaǵan.
Hýsıtterdiń Qyzyl teńizdegi jáne onyń aınalasyndaǵy júk tasymalyna jasaǵan shabýyly Azııa men Eýropa arasyndaǵy saýdany báseńdetip, taýar jetkizilimin qıyndatty. Bul shabýyldar Gaza sektoryndaǵy soǵys aımaqtyq qaqtyǵysqa ulasýy múmkin dep qaýiptengen iri derjavalardy da alańdatyp otyr.
