AQSh: Ielloýston saıabaǵynda ystyq qaınarǵa qulaǵan adamdy izdestirýde (VIDEO)

ASTANA. QazAqparat - Kýágerlerdiń sózine qaraǵanda, seısenbi kúni Ielloýston ulttyq saıabaǵynda 20 jastaǵy er adam qorshaýdan shyǵyp, Norrıs geızerler basseıniniń ystyq qaınaryna qulap ketken.

Joǵalǵan jandy izdeý jumystaryn júrgizý úshin búkil aýmaqty japty, dep habarlady Bozeman Daily Chronicle. Saıabaqty qaraýshylar onyń ajal qushqanyn boljap otyr. Óıtkeni qaınardaǵy sý temperatýrasy qaınaý deńgeıinen jıi joǵary bolady, dep jazylǵan Ielloýston saıabaǵynyń saıtynda.

AQSh-tyń ulttyq saıabaǵy - Ielloýston ıÝNESKO-nyń álemdik qundylyqtar tizimine engen.  Onyń aýmaǵy 8983 km² quraıdy.