AQSh ıadrolyq sammıttiń ashylýyna ázirlenýde
ASTANA. Sáýirdiń 12-si. QazAqparat - Vashıngtonda sáýirdiń 12-sinde ıadrolyq qaýipsizdik jónindegi sammıt bastalady, oǵan 47 eldiń ókilderi qatysady.
Sammıttiń ashylýy aldynda joǵary dárejeli kezdesýlerde AQSh prezıdenti málimdeme jasap, Vashıngton ıadrolyq qarýdy lańkestik uıymdar ıemdený múmkindigi eń úlken qaýip dep sanaıtynyn atap kórsetti, dep habarlady Bı-Bı-Sı.
Onyń aıtýynsha, sammıt qatysýshylary ózderiniń ıadrolyq arsenaldaryn senimdi saqtaýdy qamtamasyz etýge toptasýy tıis, óıtkeni «Ál-Kaıda» sııaqty uıymdar mundaı qarýlar qolǵa tússe, eshbir qobaljýsyz-aq paıdalanýǵa tyrysady.
Bı-Bı-Sıdiń domplomatııalyq máseleler boıynsha tilshisi Djonatan Markýs joǵary deńgeıdegi bul kezdesý 1940 jyldan bergi amerıkan astanasyndaǵy eń iri jıyn bolatynyn atap kórsetedi.
ıAdrolyq baǵdarlamalaryn júzege asyryp, álemdik qoǵamdastyqtyń syn-pikirlerin týǵyzǵan Iran men Soltústik Koreıa delegatsııalary vashıngtondyq sammıtke shaqyrylǵan joq.
Bul eki memleketti Aq úı ıadrolyq qarýdy taratpaý týraly shartty buzýshylar retinde qarastyrady.
Assoshıeıted press agenttigi Sırııa da kezdesýge shaqyrylmaǵanyn habarlady, óıtkeni AQSh olardyń da ıadrolyq zertteýlerge qatysty josparlary bar dep sanaıdy.
Sonymen birge, 1968 jylǵy ıadrolyq qarýdy taratpaý shartyna qol qoımaǵan Izraıl, Úndistan jáne Pákistan ókilderi Vashıngtonǵa keledi. Baqylaýshylardyń paıymdaýynsha, ırandyq ıadrolyq baǵdarlama týraly másele sammıttiń kún tártibine engizilmese de sáýirdiń 12-13-terinde Vashıngtonda ótetin sharalarda bul másele kóptegen pikirtalastardyń taqyryby bolatyny sózsiz.
Sondaı-aq kezdesý bastalar aldynda Obama Ońtústik Afrıka Respýblıkasynyń 1990 jyldary ıadrolyq qarýdy salasyndaǵy jasalymdardan óz erkimen bas tartýy týraly sheshimin maquldaǵan pikirin bildirdi.
Bul sammıt amerıkandyq ákimshilik sáýir aıynda jasaǵan ıadrolyq qarý-jaraqtarǵa baqylaý salasyndaǵy úshinshi qadamy.
Aıtalyq, sáýirdiń 6-synda Obama eldiń jańa ıadrolyq strategııasyn jarııalady, onyń negizine AQSh ıadrolyq qarýdy qoldanatyn jaǵdaıdy shuǵyl shekteý alyndy.
Budan eki kúnnen keıin sáýirdiń 8-inde amerıkandyq prezıdent reseılik áriptesi Dmıtrıı Medvedevpen strategııalyq shabýyl qarý-jaraqtaryn qysqartý týraly jańa shartqa qol qoıdy. Bul is-qımyldar Nıý-Iorkte aǵymdaǵy jylǵy mamyr aıynda ótetin ıadrolyq qarýlardy taratpaý týraly sharttyń qaǵıdalaryn qaıta qaraýdy talqylaýda Obamanyń pozıtsııasyn kúsheıte túsýge baǵyttalǵan, dep sanaıdy Djonatan Markýs.
